MATERI KARANGAN KELAS VII DAN VIII

1. GAWE KARANGAN

Ngandharake gagasan bisa maneka warna carane, ing antarane kanthi wujud karangan. Kanthi karangan gagasan bisa dingerteni utawa diwaca wong liya.

a.Jinise karangan miturut isine, yaiku ing ngisor iki:

1)Argumentasi, karangan kang ditulis nganggo lelandhesan utawa alesan gumathok supaya wong percaya marang panemu kang diandharake.

2)Deskripsi, karangan kang isine nyritakake apa sing dideleng lan dirungu.

3)Eksposisi, karangan kang nerangake sawijining bab.

4)Narasi, karangan adhedhasar angen-angen (imajinasi/daya khayal), bisa awujud prastawa sing dumadi.

5)Persuasi, karangan kang nerangake sawijining bab kanthi ngayakinake supaya sing maca nindakake kaya apa kang ditulis.

 

. Sing kudu digatekake nalika  gawe karangan antarane ing ngisor iki:

•Nemtokake tema

•Milih irah-irahan (judul). Judul becike nganggo tembung sing becik, cekak, aos, narik kawigaten sing maca.

•Basane sing becik

•Ukurane runtut (urut trep lakuning crita), yen ora runtut bisa gawe sing maca bingung, ora ngerti karepe apa isine karangan.

•Nulisa sing cetha, ora akeh orek-orekan (tip-x)

•Antarane tema, judul, lan isi tansah sesambungan, cocog (jumbuh)

•Sadurunge ngarang bisa kanthi gawe cengkorongan (kerangka)

•Cengkorongan banjur dimekarake dadi alenia-alenia

•Sawise dadi, karangan ditliti maneh

 2. Karangan sing becik

Ana pirang-pirang titikan karangan sing becik, antarane kaya ngisor iki:

ØTrep karo tema utawa topike

ØBasane prasaja, ukurane ora dawa-dawa, ora nglambrang

ØPamilihing tembung pas lan gampang dingerteni

ØUrutan penalarane runtut

ØNyawiji (kabeh andharan nyengkuyung isi/judul/topik)

ØIsine trep karo sing bakal maca karangane

 Nulis

 Carane Nulis Karangan

Yen arep nulis karangan, carane kaya mangkene.

•Golek gagasan (topik/ide)

•Gawe cengkorongane tulisan

•Mekarake tulisan

•Nliti lan ndandani tulisan

 a. Golek gagasan/ide 

›Upamane ing ngisor iki:

§Panen pari

§Penyuluh pertanian

§Kegiatan sekolah

§Pengalaman pribadi

§Lsp. (lan sapununggale)

b. Gawe cengkorongan/kerangka

  Upamane gagasan sing dipilih bab panen pari, cengkorongane kaya mangkene:

1)Parine wiwit kemuning

2)Manuke akeh

3)Ani-ani ing sekolah

4)Nyelepake gabah

5)Bayar sekolah

c. Mekarake tulisan 

Supaya bisa mekarake tulisan, kudu sugih ngelmune, mula kudu sregep maca. Contone cengkorongan kang wis dimekarake kaya mangkene:

Parine Wiwit Kemuning

         Umure pari wis nyandhak telung sasi. Parine wis wiwit kemuning. Wulenane gedhe-gedhe. Bapak lan simbok sajak seneng atine ndeleng parine lemu-lemu lan wis arep panen jalaran wis padha wiwit kuning. Mula saka iki banyune wiwit dikurangi supaya parine cepet kuning lan uwite kuat ora gampang ambruk amarga kena/kembong banyu. Yen perlu, tengahe swah digawe dalan banyu kanggo ngguwang banyu. Lemahe luwih garing lan parine cepet kemuning, banjur tuwa.

 d. Nliti karangan

Tulisan ing dhuwur ditliti maneh bokmenawa ana sing salah isine, tulisane utawa ditambah/diganti/dikurangi isine.

GLADHEN

GAWEA KARANGAN SING JENISE BISA MILIH DHEWE! BISA UGA ADHEDHASAR BUKU, TULISAN, PANEMUNE WONG LIYA, UTAWA TULISAN LIYANE SING WIS TAU KOK WACA, CRITA WONG LIYA UTAWA PENGALAMANMU SING MENARIK!